Akbar Birbal Story - pandit jee

Akbar Birbal Story arthaat is article me aap padhenge pandit jee naam ki Hindi Story (Kahani), hinglish font me.

pandit jee / akabar beerabal

shaam dhalane ko thee. sabhee aagantuk dheere-dheere apane gharon ko lautane lage the. tabhee beerabal ne dekha ki ek mota-sa aadamee sharamaata hua chupachaap ek kone mein khada hai. beerabal usake nikat aata hua bola, “lagata hai tum kuchh kahana chaahate ho. behichak kah daalo jo kahana hai. mujhe batao, tumhaaree kya samasya hai ?”

vah mota vyakti sakuchaata hua bola, “meree samasya yah hai ki main padha-likha nahin hoon. mainne apanee shiksha par dhyaan nahin diya jisaka mujhe khed hai. main bhee samaaj mein sir uthaakar sammaan se jeena chaahata hoon. par ab nahin lagata hai aisa kabhee nahin ho paega.”

“nahin koee der nahin, aisa jaroor hoga yadi tum himmat na haaro aur parishram karo. tumamen bhee yogyata hai” beerabal ne kaha.

“lekin gyaan paane mein to saalon lag jaenge.” mote aadamee ne kaha, “main itana intajaar nahin kar sakata. main to yah jaanana chaahata hoon ki kya koee aisa tareeka hai ki chutakee bajaate hee prasiddhi mil jae.”

prasiddhi paane ka aisa aasaan raasta to koee nahin hai.” beerabal bola, “yadi tum vaastav mein yogy aur prasiddh kahalavaana chaahate ho, to mehanat to karanee hee hogee. vah bhee kuchh samay ke lie.”

yah sunakar mota aadamee soch mein doob gaya. “nahin mujhamen itana dhairy nahin hai.” mote aadamee ne kaha, “main to turant hee prasiddhi paakar ‘pandit jee’ kahalavaana chaahata hoon.”

“theek hai.” beerabal bola, “isake lie to ek hee upaay hai. kal tum baajaar mein jaakar khade ho jaana. mere bheje aadamee vahaan honge, jo tumhen pandit jee kahakar pukaarenge. ve baar-baar jor-jor se aisa kahenge. isase doosare logon ka dhyaan is or jaega, ve bhee tumhen pandit jee kahana shuroo kar denge. aisa hona svaabhaavik bhee hai. lekin hamaara naatak tabhee saphal hoga jab tum gussa dikhaate hue un par patthar phenkane lagoge ya haath mein laathee lekar unako daudaana hoga tumhen. lekin satark rahana, gusse ka sirph dikhaava bhar karana hai tumhen. kisee ko chot nahin pahunchanee chaahie.”

us samay to vah mota aadamee kuchh samajh nahin paaya aur ghar laut gaya.

agalee subah vah mota aadamee beerabal ke kahenusaar vyast baajaar mein jaakar khada ho gaya. tabhee beerabal ke bheje aadamee vahaan aa pahunche aur tej svar mein kahane lage- “panditajee…panditajee…panditajee….”

mote aadamee ne yah sun apanee laathee uthaee aur bhaag pada un aadamiyon ke peechhe. jaise sach hee mein pitaee kar dega. beerabal ke bheje aadamee vahaan se bhaag nikale, lekin panditajee..panditajee…ka raag alaapana unhonne nahin chhoda. kuchh hee der baad aavaara ladakon ka vahaan ghoomata samooh ‘panditajee…panditajee…’ chillaata hua us mote aadamee ke paas aa dhamaka.

bada majedaar drshy upasthit ho gaya tha. mota aadamee logon ke peechhe daud raha tha aur log ‘panditajee…panditajee…’ kahate hue naach-gaakar chilla rahe the.

ab mota aadamee panditajee ke naam se prasiddh ho gaya. jab bhee log use dekhate to panditajee kahakar hee sambodhit karate. apanee or se to log yah kahakar usaka majaak udaate the ki vah un par patthar phenkega ya laathee lekar unake peechhe daudega. lekin unhen kya pata tha ki mota to chaahata hee yahee tha. vah prasiddh to hone hee laga tha.

isee tarah maheenon beet gae.

mota aadamee bhee thak chuka tha. vah yah bhee samajh gaya tha ki log use sammaanavash panditajee nahin kahate, balki aisa kahakar to ve usaka upahaas karate hain. log jaan gae the ki pandit kahane se use gussa aa jaata hai. vah sochata tha ki shaayad log mujhe paagal samajhate hain. yah sochakar vah itana pareshaan ho gaya ki phir se beerabal ke paas ja pahuncha.

vah bola, “main maatr panditajee kahalaana nahin chaahata. vaise mujhe svayan ko pandit kahalavaana pasand hai aur kuchh samay tak yah sunana mujhe achchha bhee laga. lekin ab main thak chuka hoon. log mera sammaan nahin karate, vo to mera majaak udaate hain.”

mote aadamee ko vaastavikata ka aabhaas hone laga tha.

mote aadamee ko yah kahata dekh beerabal hansata hua yah bola, “mainne to tumase pahale hee kah diya tha ki tum bahut samay tak aisa nahin kar paoge. log tumhen vah sab kaise kah sakate hain, jo tum ho hee nahin. kya tum unhen moorkh samajhate ho? jao, ab kuchh samay kisee doosare shahar mein jaakar bitao. jab lauto to un logon ko najarandaaj kar dena jo tumhen panditajee kahakar pukaaren. ek achchhe, sabhy vyakti kee tarah aacharan karana. sheeghr hee log samajh jaenge ki ‘panditajee’ kahakar tumhaara upahaas karane mein kuchh nahin rakkha aur ve aisa kahana chhod denge.”

mote aadamee ne beerabal ke nirdesh par amal kiya.

jab vah kuchh maah baad doosare shahar se lautakar aaya to logon ne use panditajee kahakar pareshaan karana chaaha, lekin usane koee dhyaan na diya. ab vah mota aadamee khush tha ki log use usake asalee naam se jaanane lage hain. vah samajh gaya tha ki prasiddhi paane kee saral raah koee nahin hai.

Hamare Blog Par Any Kahaniya Padhne Ke Liye Hamari Hindi Stories Kii Category Ko Browse Kijiye:

HindiVidya Story Category

hamen pooree aasha hai ki aapako hamaara yah article bahut hee achchha laga hoga. yadi aapako isamen koee bhee khaamee lage ya aap apana koee sujhaav dena chaahen to aap neeche comment zaroor keejiye. isake ilaava aap apana koee bhee vichaar hamase comment ke zariye saanjha karana mat bhoolie. is blog post ko adhik se adhik share keejiye aur yadi aap aise hee aur romaanchik article, tutorials, guides, quotes, thoughts, slogans, stories, ityaadi kuchh bhee hindee mein padhana chaahate hain to hamen subscribe zaroor keejiye.