Akbar Birbal Story arthaat is article me aap padhenge kal, aaj aur kal naam ki Hindi Story (Kahani), hinglish font me.
kal, aaj aur kal / akabar beerabal
ek din baadashaah akabar ne ailaan kiya ki jo bhee mere savaalon ka sahee javaab dega use bhaaree eenaam diya jaega. savaal kuchh is prakaar se the-
aisa kya hai jo aaj bhee hai aur kal bhee rahega ? aisa kya hai jo aaj bhee nahin hai aur kal bhee nahin hoga ? aisa kya hai jo aaj to hai lekin kal nahin hoga ? in teenon savaalon ke udaaharan bhee dene the.
kisee ko bhee chaturaee bhare in teenon savaalon ka javaab nahin soojh raha tha. tabhee beerabal bola, ‘‘hujoor ! aapake savaalon ka javaab main de sakata hoon, lekin isake lie aapako mere saath shahar ka daura karana hoga. tabhee aapake savaal sahee dhang se hal ho paenge.’’
akabar aur beerabal ne vesh badala aur soophiyon ka baana pahanakar nikal pade. kuchh hee der baad ve baajaar mein khade the. phir donon ek dukaan mein ghus gae. beerabal ne dukaanadaar se kaha, ‘‘hamen bachchon kee padhaee ke lie madarasa banaana hai, tum hamen isake lie hajaar rupaye de do.’’ jab dukaanadaar ne apane muneem se kaha ki inhen ek hajaar rupaye de do to beerabal bola, jab main tumase rupaye le raha hoonga to tumhaare sir par joota maaroonga. har ek rupaye ke peechhe ek joota padega. bolo, taiyaar ho ?’’
yah sunate hee dukaanadaar ke naukar ka paara chadh gaya aur vah beerabal se do-do haath karane aage badh aaya. lekin dukaanadaar ne naukar ko shaant karate hue kaha, ‘‘main taiyaar hoon, lekin meree ek shart hai. mujhe vishvaas dilaana hoga ki mera paisa isee nek kaam par kharch hoga.’’
aisa kahate hue dukaanadaar ne sir jhuka diya aur beerabal se bola ki joota maarana shuroo karen. tab beerabal va akabar bina kuchh kahe-sune dukaan se baahar nikal aae.
donon chupachaap chale ja rahe the ki tabhee beerabal ne maun toda, ‘‘bandaaparavar ! dukaan mein jo kuchh hua usaka matalab hai ki dukaanadaar ke paas aaj paisa hai aur us paise ko nek kaamon mein lagaane kee neeyat bhee, jo use aane vaale kal (bhavishy) mein naam degee. isaka ek matalab yah bhee hai ki apane nek kaamon se vah jannat mein apanee jagah pakkee kar lega. aap ise yoon bhee kah sakate hain ki jo kuchh usake paas aaj hai, kal bhee usake saath hoga. yah aapake pahale savaal ka javaab hai.’’
phir ve chalate hue ek bhikhaaree ke paas pahunche. unhonne dekha ki ek aadamee use kuchh khaane ko de raha hai aur vah khaane ka saamaan us bhikhaaree kee jaroorat se kaheen jyaada hai. tab beerabal us bhikhaaree se bola, ‘‘ham bhookhe hain, kuchh hamen bhee de do khaane ko.’’
yah sunakar bhikhaaree baras pada, ‘‘bhaago yahaan se. jaane kahaan se aa jaate hain maangane.’’
tab beerabal baadashaah se bola, ‘‘yah raha hujoor aapake doosare savaal ka javaab. yah bhikhaaree eeshvar ko khush karana nahin jaanata. isaka matalab yah hai ki jo kuchh isake paas aaj hai, vo kal nahin hoga.’’
donon phir aage badh gae. unhonne dekha ki ek tapasvee ped ke neeche tapasya kar raha hai. beerabal ne paas jaakar usake saamane kuchh paise rakhe. tab vah tapasvee bola, ‘‘ise hatao yahaan se. mere lie yah beeemaanee se paaya gaya paisa hai. aisa paisa mujhe nahin chaahie.’’
ab beerabal bola, ‘‘hujoor ! isaka matalab yah hua ki abhee to nahin hai lekin baad mein ho sakata hai. aaj yah tapasvee sabhee sukhon ko nakaar raha hai. lekin kal yahee sab sukh isake paas honge.’’
‘‘aur hujoor ! chauthee misaal aap khud hain. pichhale janm mein aapane shubh karm kie the jo yah jeevan aap shaano-shaukat ke saath bita rahe hain, kisee cheej kee koee kamee nahin. yadi aapane isee tarah eemaanadaaree aur nyaayapriyata se raaj karana jaaree rakha to koee kaaran nahin ki yah sab kuchh kal bhee aapake paas na ho. lekin yah na bhoolen ki yadi aap raah bhatak gae to kuchh saath nahin rahega.’’
Leave a Reply